(1)    musigalisches signal:

(2)    Mudder erde vorährn:

 

Muddor Erde
Mer wühln in deim matsch
Um von deim grienzeich ze lehm
Großzügsch gibste uns aus voller scherze
Mer dangn dir aus vollem herze!
Nimm diese Semml zum dang!

(3) bidde um inschbiradschon:

Ä güsschen von dir erbidd ich mir,
Liebe muse,
Füll mei Boädenherz
Damitsch das gleene ritual recht hibsch feiern gann!

 saubermachen dor anwesenden durch Feuor un Wassor

(4) erschaffn vom Gosmos:

In dor Diefe fließds Wossor dor Oohn
Heilches Wossor fließe in uns

Mer endzündn s heilche Feuor
In Liebä, Vertrauen un Wahrheed
Heilches Feuor brenne in uns

Von dor Quelle dor Oohn
Bis zum Schdern dor Weisheed
Wächst dor Weldenboom
Heilcher Boom wachse in uns

Mäche de subbe sich ni erhehm un alles ieble kehre ab
Mäche dor himmel ni uff uns gladschn un alles ieble kehre ab
Mäche s land uns haldn un alles ieble kehre ab
In land, meer un himml
Dief verwurzelt, hoch gegreent
Dor hain is beanschbrucht un heilich.

(5) begründung:

Mer ham uns hier gedroffn
Um de aldn geddor un unsre Oohn zu ehrn
Un e hibbsches gleenes fest zu feiern

(6) de Dore effnen:

Heimdal,
Du hiedsd n Rechnboochn,
Du bassd off, dass geenor zu dn Göddorn gommd,
Der Schdung macht.
Mid deim Horn gibsde Alarm.
Hilf uns, dass unsre Schdimmn zu dn Göddorn gomm.
Öffne de Dore zwischen dm Reich von uns Menschn
Und dm Reich der Göddor.
Meeche de Flamme sich öffnen als Dor,
Meche de Quelle sich öffnen als Dor,
Meeche der Boom zum Pfad zwischn dn Welden wärn!

De Dore sin offn!

(7) de drei Sibbn einlodn:

Göddor unsrer Vorveedor
Begannd als Holle und Wodan
Als Donner un Siwwa
Mer ehrn un liehm eich
Mer biddn eich,
Nehmd unsre Gahm an
Un dringt mid uns ä dräbbschn.
(Kräuterschnaps obforn)

Nadurgeisdor,
Riebezahl un Wala,
 Zwerche, Muudschegiebchn un andre gleene Gärle,
Die ihr undor dor Danne hoggt un unnorm Vuchelbeerbaam
Mer ehrn und liehm eich
Mer biddn euch,
Nehmd unsre gahm an
Un lassts eich schmeggn!
(Kräudor obforn)

Ihr Oohn,
Ihr, die ihr dieses scheene Land vor uns besiedeld hobd
Ihr, die ihr hier eire Hüddn gebaud uns liebe Vieh gefleecht hobd
Von eich simmer gegomm,
Ihr hobd uns inne Weld gesetzt
Mer ladn eich ein
Mid uns zu saufn un zu feiern
Seid bei uns
Un nehmd unsre gahm an.
(Eiorschegge un Muggefugg obforn)

(8) Ehrn dor Wesn des Fests:

Ihr Oohn,
Slawn, Gelldn, Beehm, Frangn
Un woher ihr alle gaamd.
Ihr habt eich damals uff de Soggn gemachd
Habd geene Miehn gescheud
Un seid hierher gezuggeld
In'n Finsderwald.
Habd eich hier eingerichd'd
Eure Hiddn gebaud
Un Stick fier Stick e neies Lehm geschaffn.

Ihr Männor, Brieder, Vädor
Habt hard georbeid'd
Um eire Liehm zu nährn,
Habd se beschidsd geeschn Bär un Wolf,
Un manchma ooch n Nachbar vorn Gobb geglobbt
Wenn's nötich war.
Gegämbft habt er
Un gelidden,
Ooch wenn er gar ni wollded.
Mer dangn eich für eure Graft, eiern Mud un eire Liebe.
Nehmt unser Obfer an.
(Bier obforn)

Ihr Middor, Schwesdorn und Fraun,
Ihr schdanded eiern Männern zur Seide
Habd Jahr für Jahr een Glennes nachm annorn uffe Weld gebracht
Habt se umsorcht, behüd'd un so manches ma umse gebangt.
Habt an ihrn Beddln geschtandn, Schlafliedor gesummd und gebed'
Dass es Fiebor wieder weggehd.
An eierm Busn gonnt mer sich ausheuln
Euer Essen war einmalich
Un voller Liebe.
Mer dangn eich für eire Hingabe, Fürsorche und Andeilnahme.
Nehmt unsor Obfer an.
(Kräuterschnaps obforn)

(9) Schlisslgahm


(10) Oragl


(11) Ruf nachm Seechn

Mer ham euch
 Gahm midgebrachd und unsor Essn mid euch gedeild
Nu bidd mer euch,
Schiggd eure Liebe und Graft
In diesen Kruuch voller Abbelsafd,
Sechned uns.

(12) Runnerholn vom Seechn

(13) Bestädchn vom Seechn


(Jedor dringt un saacht drzu:)

Ich nehm dn Seechn von dn Göddorn, Oohn und Nadurgeisdorn an,
Meeche dor Seechn aus mir nausstrahln
Und uns alln helfen.

(14) Verabschieden der Sibbn

Geddor, Oohn un Nadurgeisdor
Mer ham zusammn gefeierd,
Un Gahm ausgedauschd.
Mer dangn euch für euorn Beistand
Gehüd wennor missd,
Bleibd wennor wolld.

(15) Dore schließn:

Heimdall,
Mer dangn Dir fier deine Hilfe,
Nu mach de Dore wieder zu.
Lass de Flamme wiedor Flamme sein,
Lass de Quelle wiedor Quelle sein,
Lass alles sein wies vorher war.

(16) Abschluss:

Mer ham dn Ohn, Göddorn und Nadurgeisdorn geobford,
Wie 's alder Brauch is.
Meechn mor uns schdehds unsror Worzln erinnorn.
Unsor Ridual is zu Ende,
Mechn unsre Herzn un Göbbe bewahrn,
Was Oochn un Ohrn wahrnahmn.

Abschlusslied: 'S is Feierohmd....

Anmelden